«KitapFest» кітап фестивалі – бұл жыл сайын еліміздегі ірі мегаполисте кітап сүйер қауымды бір мезетте қауыштыратын елорда тұрғындарының өміріндегі айтулы мәдени-бұқаралық шара. Кітап фестивалінің қонақтарын кітап иллюстрацияларының көрмесі, ауқымды кітап алмасу, қазақстандық жазушылар мен пікір иелерімен кездесу және шеберлік сыныптары, байқаулар мен науқандар, өлең оқу, балаларға арналған танымдық бағдарлама, мұнымен қоса отандық баспагерлер мен кітап дүкендерінің қатысуымен өтетін үлкен кітап жәрмеңкесі күтеді.